Ունե՞ք հարցեր

Նորություններ

ՎիվաՍել-ՄՏՍ-ի սպասարկման կենտրոններում տեղադրվել է ՄոբիԴրամի 50 տերմինալ

Հնս 09, 2015
terminal ՎիվաՍել-ՄՏՍ-ը և ընկերության դուստր ձեռնարկություն ՄոբիԴրամն ավարտեցին վճարային տերմինալների միջոցով ինքնասպասարկման ծառայությունների մատուցման համատեղ նախագծի առաջին փուլը: Նախագծի շրջանակներում Հայաստանի ամբողջ տարածքում ՎիվաՍել-ՄՏՍ-ի սպասարկման կենտրոններում տեղադրվել են 50 վճարային տերմինալներ:

Նախագծի հիմնական նպատակն է սպասարկման կենտրոններում սպասելաժամանակի կրճատումը և հաճախորդների սպասարկման որակի բարելավումը:

 

Վճարային տերմինալների միջոցով հնարավոր է վճարել բջջային կապի ծառայությունների դիմաց: Միաժամանակ սպասարկման կենտրոններ այցելողները կարող են կատարել կոմունալ վճարումներ, վճարել արբանյակային և կաբելային հեռուստատեսության և ինտերնետ ծառայությունների դիմաց, ինչպես նաև համալրել ՄոբիԴրամ բջջային դրամապանակը: Մատուցվող ծառայությունների ցանկն անընդմեջ ընդլայնվում է:

 

ՄոբիԴրամի բոլոր տերմինալները հագեցած են սենսորային էկրանով և պարզ ինտերֆեյսով, որը թույլ է տալիս հաճախորդներին օգտվել մատուցվող ծառայություններից՝ առանց լրացուցիչ գիտելիքներ ու հմտություններ ունենալու: